!!! ELEGANT VILLA !!!

నిస్సారమైన రోజులు...బిజీ బిజీ బతుకులు...

ఏదో మార్పు కోసం ఎదురుచూపులు...

చెన్నైకొచ్చిన కొత్తలో వారి జీవన ముఖ చిత్రం...

ఆ ఇల్లు మార్చేసింది వారందరి దైనందిన జీవితం!

చూసారా?? టీవీ లొ తెలుగు ఛానెల్స్ మార్చి మార్చి చూసే అతడిని...

అందరిని ముందుకు నడిపే నాయకుడతడు...

అన్నింటా ముందుండే ప్రతిభావంతుడు...

సినిమాలను తలదన్నే నిజ జీవితపు కథలెన్నో తెలిసిన ఔత్సాహికుడు...

అర్ధరాత్రి కలవరింతలతో అప్పుడప్పుడు జడిపిస్తాడు!!!

ఇంటి గేట్ దాటక ముందే పెద్ద పెట్టున నవ్వు వినిపించిందా??

రాంగోపాల్ వర్మ వీరాభిమాని అతడు...

వెంకటేష్ సినిమాల విమర్శకుడు అతడు....

గుండెలు పిండే ట్రాజెడి సీన్లో కూడ కామెడీ సృష్టించగల హాస్యాభిమాని అతడు!!

అందరి ప్రశ్నలకి బదులిస్తూ...ఎప్పుడూ నవ్వుతూ..

అప్పుడప్పుడు ఉడుక్కుంటున్న...ఆ అబ్బాయిని చూసారా???

అందరి చర్చల కు గమ్యం అతడు...

బాడీ బిల్డింగ్ జిం కార్యక్రమాలకి.. కేశ సంరక్షణా పథకాలకి ఆద్యుడు అతడు!!

టీవీలో చక చకా మారుతున్న ఇంగ్లీష్ చానెల్స్ కనిపించాయా?

హోరెత్తించే వెస్టర్న్ మ్యూజిక్ వినబడుతోందా??

పి.హెచ్ డి చేయని ఆంగ్ల పండితుడు అతడు...

వారాంతాల్లో గల్లీ క్రికెట్ నిర్వాహకుడు అతడు..

అందరికీ వింత పేర్లు ఆపాదించడం లో దిట్ట అతడు!!!

యండమూరి నవల కనపడిందా?

తిలక్, శ్రీ శ్రీ కవిత వినబడిందా??

భావుకతా పునాదులపై కవితా భవంతులు నిర్మించే భాషా ప్రేమికుడు అతడు..

ఈ కవితా రచయిత అతడు!!!

పదే పదే "2 మచ్, తెల్సా??" అనే మాట వినబడుతోందా??

అందరినీ అలరించే చిరంజీవి వీరాభిమాని అతడు..

డ్రెస్సింగ్ స్టైల్స్ లో అందరికీ మార్గదర్శకుడు అతడు!!

అర్ధరాత్రి అయ్యాక టీ కి వెళ్దామనే ఆహ్వానం అందిందా?

అందరికీ అన్న పెద్దన్న అతడు..

"శరవణ భవన్" బ్రాండ్ అంబాసిడర్ అతడు...

పంక్చువాలిటీలో సాటి లేరు అతని కెవ్వరూ!!

గోవాలో గుభాళించిన తెలుగు పరిమళం అతడు...

చీమ చిటుక్కుమన్నా నిద్ర లేచే అప్రమత్తుడు..

ఆ ఇంటి కిచెన్ రూప కర్త అతడు!!

కొత్త మార్పులకు శ్రీకారం చుట్టిన యువకులు వాళ్ళిద్దరూ...

లేట్ గా వచ్చినా లేటెస్ట్ గా వచ్చిన యువ కిషోరాలు...

కష్టంగా ఉన్నా తప్పనిసరై చెన్నైని ఇష్ట పడుతున్న ఆశావాదులు వాళ్ళు!!!

వీళ్ళందరి ఆనందపు సందడిలో మురిసిపోతూ...

వీళ్ళ నవ్వుల వెలుగుల్లో మెరిసి పోతూ...

వీళ్ళ మాటల ముచ్చట్లలో వెలిగిపోతూ...

ఒక అనంత చైతన్య వాహిని..... ELEGANT VILLA!!!!

......Dedicated to all my roomies of ELEGANT VILLA(CHENNAI)