వీడ్కోలు - 2007

ఎలా వచ్చావ్?
ఎలా వెళ్ళిపోతున్నావ్?

ఎన్ని కలలు... ఎన్ని కన్నీళ్ళు...
ఎన్ని ఆశలు... ఎన్ని ఆశాభంగాలు...
ఎన్ని ప్రయత్నాలు... ఎన్ని ఎదురుదెబ్బలు...

ఎన్ని మధుర స్మృథులు...
ఎన్ని చేదు జ్ఞాపకాలు...

నిన్ను నిలదీయాలనుకున్నాను...
ఆశలతో మొదలుపెట్టినపుడు అశాభంగానికి సిధ్ధంగా వుండమని చెప్పనందుకు...
కలలెన్నో చూపిస్తున్నపుడు కన్నీళ్ళు కూడా వుంటాయని గుర్తు చేయనందుకు...

కానీ ఇప్పుడు నీకు కృతజ్ఞతలు చెప్పాలని వుంది...
ఆశాభంగాలను ఎదుర్కొనేందుకు ఆత్మవిశ్వాసం అవసరమని...
అప్పుడప్పుడు కలిగే కన్నీళ్ళే కలలను నిజం చేసే స్ఫూర్తిని కలిగిస్తాయని...
చెప్పకనే చెప్పినందుకు...

ఎన్నో విశేషాలకు మౌన సాక్ష్యంగా నిలచి...
మరెన్నో జ్ఞాపకాలను మాకు మిగిల్చి...
ఎంత ఆర్భాటంగా వచ్చావో...
అంతే భారంగా నిష్క్రమిస్తున్న నీకు...
అందరి తరపున కృతజ్ఞతా సుమాంజలి!!!!