నువ్వు నాకు పరిచయమైన తరవాత....
గడుస్తున్న కాలంతో పాటు
నీపై పెరుగుతున్న ఇష్టం గురించి...
నీ ఆలోచనలతోనే ప్రారంభమై...
నీ ఆలోచనలతోనే పూర్తయ్యే...
నా దినచర్య గురించి...
నీక్కూడా తెలియకుండా
నువ్వు నాలో కలిగిస్తున్న అలజడి గురించి....
ఎందరి మధ్యన ఉన్నా
ఎప్పుడూ నన్ను అల్లరి పెట్టే
అందమైన నీ ఊహల గురించి...
ఎక్కడ ఉన్నా
నీకై వెతికే నా చూపుల గురించి....
ఎంత దూరాన ఉన్నా
నిన్ను నా మది ముంగిట్లో నిలిపే
నా కలల గురించి...
ఎప్పుడూ నీ ఆనందానికై
ఆరాటపడే నా మనసు గురించి...
నేనున్నానన్న సంగతి కూడా మరచిపోయి
నీ కోసమే పరితపిస్తున్న
నా హృదయం గురించి...
ఇలా ఎన్నో భావాల గురించి...
నీకు వివరించడానికి...
కేవలం రెండక్షరాల "ప్రేమ" అనే పదం వాడినందుకు
నా మనసుకు నాపై కోపం...
ఎందుకంటే తనకు మాత్రమే తెలుసు...
నేను నీకై పడే ఆరాటం!!
No comments:
Post a Comment