Engg Life!

చేరిన కొత్తలో కనిపించిన కొత్త ముఖాలు...
భయంతో కూడిన బెదురు చూపులు...
ర్యాగింగ్ భయంతో సీనియర్లని తప్పించుకోవడానికి పడిన పాట్లు...
ఖర్మకాలి సీనియర్లకి దొరికినప్పుడు పాడిన పాటలు... వేసిన స్టెప్పులు...

మా ప్రతీకారం చుపించుకోవడానికి మాకు దొరికిన జూనియర్లు...
వారితో వేయించిన వేషాలు... రాయించిన అసైన్ మెంట్లు...
ఆర్టీసి బస్సుల్లో హంగామా...
బస్సు స్టాపుల్లో ర్యాగింగ్ హైడ్రామా....

క్యాంటీన్ లో కబుర్లు... లాన్ లో ముచ్చట్లు...
అమ్మాయిలపై కామెంట్లు... లెక్చరర్లపై సెటైర్లు...
అందరు కలసి క్లాసులకి కొట్టిన ఢుమ్మాలు...
ప్రిన్సిపాల్ తో తిన్న చీవాట్లు....
మార్కుల కోసం చేసిన చిత్ర విచిత్ర ప్రయత్నాలు...
అటెండెన్స్ కోసం పడిన అగచాట్లు...

పరీక్షల సమయాల్లో గడిపిన నిద్ర లేని రాత్రులు...
అర్ధరాత్రి టీలు... సబ్జెక్టు పై చర్చలు...

హోటల్లో విందులు... డిస్కోలో చిందులు...
అబ్బాయిల కొంటె సైగలు... అమ్మాయిల ఓర చూపులు...

అందరి దారులు వేరవుతున్న ఆఖరి రోజులలో....
చెప్పలేని భావాలు... బరువెక్కిన గుండెలు...
మూగబోయిన మనసులు...