వర్షానికి ఒక లేఖ!

నా ఎదురుగా నువ్వు...
నిన్నే చూస్తూ నేను...
నా మనసులో ఉరుములు...
నీ చూపులో మెరుపులు...
వెరసి అపుడే మొదలైంది వర్షం....

చుట్టూ ప్రపంచాన్ని మరచిపోయి చిన్న పిల్లలా
ఆడుకుంటున్న నీ కళ్ళలోని ఆనందాన్ని నాకు చూపించిన వర్షం...

నువ్వు నా ఎదురుగా ఉంటే ప్రత్యేకంగా అనిపించే వాతావరణాన్ని
తన రాకతో మరింత రమణీయంగా మార్చిన వర్షం...

ఆకాశం లోని ఆ ఇంధ్రధనుస్సుని
నా కళ్ళముందే నిలిపిన వర్షం...

కురిసే ప్రతి వర్షపు చిరుజల్లు
ఆనందపు జడివానగా మారి మన మనసుల్ని ముంచెత్తాలని...
మన ఆనందం లో తను ఎప్పుడూ ఒక భాగం కావాలని...
వర్షానికి ఒక లేఖ!!!